Россия Федерациязының болгаш Тыва Республиканың улустуң артизи, «Саян» ансамблиниң хүндүлг хоочуну Надежда Куулар бөгүн 75 харлап турар!
Хүндүлүг Надежда Агбаан-Шыыраповна!
Төрүттүнген хүнүңер таварыштыр «Саян» театрының мурнундан изиг байырны чедирип тур бис! «Чечек-Саян» ансамблиниң тургустунарынга болгаш сайзыраарынга силерниң киирген үлүг-хууңар санап четпес. Силерниң дыңнап ханмас өткүт хоюг үнүңер чүгле Тываның эвес, а бүгү делегейниң чонун бо хүнге дээр өөртүп чоруур.
Ал-бодуңарга болгаш өг-бүлеңерге каң дег быжыг кадыкшылды, аас-кежикти, буян-чолду база ак орукту күзедивис! Тыва культураның төөгүзүнге арттырган изиңер ам-даа хөй-хөй салгалдарга үлегер чижек болуп артар болзун!
Хүндүткел-биле, Тываның хөгжүм болгаш самның «Саян» аттыг национал театры.